
大寶伏藏TD1686འཕགས་པ་ཕྱོགས་བཅུའི་མུན་པ་རྣམ་པར་སེལ་བ་ཞེས་བྱ་བ་ཐེག་པ་ཆེན་པོའི་མདོ་བཞུགས་སོ༔ ལས་སྣ་ཚོགས། མུན་སེལ།
43-1-1a
༄༅། །འཕགས་པ་ཕྱོགས་བཅུའི་མུན་པ་རྣམ་པར་སེལ་བ་ཞེས་བྱ་བ་ཐེག་པ་ཆེན་པོའི་མདོ་བཞུགས་སོ༔ ལས་སྣ་ཚོགས། མུན་སེལ།
༄༅། །རྒྱ་གར་སྐད་དུ༔ ཨཱཪྻ་ད་ཤ་དི་ཀ་ཨ་ན་དྷ་ར་ཏ་པ་ནཱ་མ་མ་ཧཱ་ཡཱ་ན་སཱུ་ཏྲ༔ བོད་སྐད་དུ༔ འཕགས་པ་ཕྱོགས་བཅུའི་མུན་པ་ཐམས་ཅད་རྣམ་པར་སེལ་བ་ཞེས་བྱ་བ་ཐེག་པ་ཆེན་པོའི་མདོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ཕྱོགས་བཅུའི་འགལ་རྐྱེན་ཐམས་ཅད་ཞི་བ་དང་། །ཕྱོགས་བཅུའི་མཐུན་རྐྱེན་ཐམས་ཅད་བསྒྲུབ་པའི་ཕྱིར། །ཕྱོགས་བཅུའི་སངས་རྒྱས་རྣམས་ལ་ཕྱག་འཚལ་ནས། །ཕྱོགས་བཅུའི་མུན་སེལ་བཀྲ་ཤིས་འདི་བརྗོད་དོ། །ཤར་ཕྱོགས་ཉོན་མོངས་ཐམས་ཅད་སྐྱོབ་པ་ན། །སངས་རྒྱས་རྗེས་སྤྱོད་ཞབས་ལ་ཕྱག་འཚལ་ལོ། །བདག་ནི་ཤར་ཕྱོགས་དོན་གཉེར་འགྲོ་བ་ན། །དོན་དེ་འགྲུབ་ནས་སླར་ཡང་ལྡོག་པར་ཤོག །ལྷོ་ཕྱོགས་མུན་ནག་ཚོགས་བཅོམ་ཞིང་ཁམས་ན། །སེམས་བསྐྱེད་ཡིད་མཛད་མངོན་འཕགས་ཕྱག་འཚལ་ལོ། །བདག་ནི་ལྷོ་ཕྱོགས༴ དོན་དེ༴ ནུབ་ཕྱོགས་ཡུལ་ཕེབས་ཞེས་བྱའི་ཞིང་ཁམས་ན། །འཁོན་དང་རྒྱགས་པ་རྣམ་གནོན་ཕྱག་འཚལ་ལོ། །བདག་ནི་ནུབ་ཕྱོགས༴ དོན་དེ༴ བྱང་ཕྱོགས་སྤོབས་པ་ཅན་གྱི་ཞིང་ཁམས་ན། །རིན་ཆེན་གཟུགས་བཀོད་འོད་གནོན༴ བདག་ནི་བྱང་ཕྱོགས༴ དོན་དེ༴ བྱང་ཤར་བདུད་ཀྱི་སྡེ་བཅོམ་ཞིང་ཁམས་ན། །ཡིད་གཉིས་ཀུན་འཇོམས་རྣམ་གནོན་ཕྱག་འཚལ་ལོ། །བདག་ནི་བྱང་ཤར༴ 
43-1-1b
དོན་དེ༴ ཤར་ལྷོ་རྟག་ཏུ་སྣང་བའི་ཞིང་ཁམས་ན། །འཁོར་ལོ་འབྱུང་བའི་དཔལ་ལ༴ བདག་ནི་ཤར་ལྷོ༴ དོན་དེ༴ ལྷོ་ནུབ་གསེར་གྱི་དྲྭ་བས་གཡོགས་པ་ན། །རིན་ཆེན་གདུགས་འཕགས་སྣང་ལ༴ བདག་ནི་ལྷོ་ནུབ༴ དོན་དེ༴ ནུབ་བྱང་ཡང་དག་རབ་གནས་མངོན་འཕགས་ན། །བྱང་ཆུབ་སེམས་དཔའ་འདུལ་ལ༴ བདག་ནི་ནུབ་བྱང་དོན༴ དོན་དེ༴ སྟེང་ཕྱོགས་དམིགས་མེད་ཡིད་ལ་བྱེད་པ་ན། །སྐྲག་མེད་མུན་བྲལ་ཏིང་འཛིན༴ བདག་ནི་སྟེང་༴ དོན་དེ༴ འོག་ཕྱོགས་ཡོན་ཏན་ཐམས་ཅད་བརྒྱན་པ་ན། །ཐེ་ཚོམ་གཅོད་པར་མཛད་ལ༴ བདག་ནི་འོག༴ དོན་དེ༴ ཇི་ལྟར་བཅོམ་ལྡན་ཤཱཀྱ་ཐུབ་པ་ཡིས། །ཤཱཀྱ་གཞོན་ནུ་རབ་ཏུ་གསལ་བ་ལ། །ཕྱོགས་བཅུའི་མུན་སེལ་བཀྲ་ཤིས་མཛད་པ་བཞིན། །བདག་ཅག་འཁོར་བཅས་བཀྲ་ཤིས་དོན་འགྲུབ་ཤོག །འཕགས་པ་ཕྱོགས་བཅུའི་མུན་པ་རྣམ་པར་སེལ་བ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །།སྤྲུལ་སྐུ་བསྟན་གཉིས་གླིང་པས་མང་ཡུལ་བྱམས་སྤྲིན་ལྷ་ཁང་གི་ཀ་ཞུའི་འོག་ནས་སྤྱན་དྲངས་པའོ།། །།


